IME Life

तनहुँका किसानमा पशुपंक्षीको बीमामा आकर्षण बढ्दै

SPIL
Sanima Reliance
GBIME

काठमाडौं । तनहुँ जिल्लामा पशुपक्षीको बीमा गराउने कृषकको सङख्या बढेको छ । पशुपालनमा कृषकको आकर्षण बढेसँगै बीमा गराउने कृषकको सङख्या पनि बढ्दै गएको हो । भेटेरेनरी अस्पताल तथा पशु सेवाविज्ञ केन्द्र तनहुँले उपल्बध गराएको तथ्याङ्क अनुसार गत आर्थिक बर्ष २०७५/७६ मा तनहुँ जिल्लामा १० हजार ७ सय ९५ पशुको बीमा गरिएको जनाएको थियो भने आर्थिक बर्ष २०७६र७७ मा ३६ हजार ४ सय २१ पशुपक्षीको बीमा गरिएको जनाएको छ ।

केन्द्रका प्रमुख डा. बालकुमार श्रेष्ठले उक्त जिल्लामा ३८ करोड १६ लाख ४५ हजार मूल्य बराबरको पशुको बीमा गरिएको बताए । साथै कृषि तथा पशुपन्छी बीमा वापत सरकारले एक करोड ९० लाख ८२ हजार २ सय ५० प्रिमियम शुल्क सहयोग गरेको छ भने सम्बन्धित कृषकले ४७ लाख ७० हजार ५सय ६२ भुक्तानी गरेका छन् । गत आर्थिक वर्षसम्म पशु बीमाका लागि सरकारले ७५ प्रतिशत र कृषकले २५ प्रतिशत भुक्तानी गर्नुपर्ने प्रावधान रहेको थियो ।

Crest

उक्त जिल्लामा सबैभन्दा बढी कुखुरामा बीमा गरिएको छ । एक करोड ३३ लाख २० हजार मूल्य बराबरका २२ हजार २ सय कुखुरा, पाँच करोड ३९ लाख ९० हजार मूल्य बराबरका पाँच हजार ३ सय ९९ बाख्रा, १२ लाख ५० हजार मूल्य बराबरका पाँच हजार माछा, १७ करोड ५० लाख मूल्य बराबरका दुई हजार गाई, १३ करोड तीन लाख मूल्य बराबरका एक हजार ३ सय ३ भैँसी र ७७ लाख ८५ हजार मूल्य बराबरका ५ सय १९ बङ्गुरको बीमा गरिएको केन्द्रले जनाएको छ ।

त्यसमध्ये गाईको बीमामा कृषकले २१ लाख ८७ हजार ५ सय रुपैयाँ, भैंसीको बीमामा १६ लाख २८ हजार ७ सय ५० रुपैयाँ , बाख्राको बीमामा छ लाख ७४ हजार ८ सय ७५ रुपैयाँ , बङ्गुरको बीमामा ९७ हजार ३ सय १२ रुपैयाँ , कुखुराको बीमामा एक लाख ६६ हजार ५ सय रुपैयाँ र माछाको बीमामा १५ हजार ६ सय २५ रुपैयाँ तिरेका छन् ।
उक्त जिल्लमा एनएलजी, सगरमाथा, पु्रडेन्सियल र लुम्बिनी इन्स्योरेन्स कम्पनीले पशु बीमाको सेवा दिँदै आएका छन् ।भेटेरेनरी अस्पताल तथा पशु सेवा विज्ञ केन्द्रले ग्रामीण भेगमा अझै पनि पशु बीमा कार्यक्रमलाई प्रभावकारी बनाउन नसकिएको बताएको छ ।

इन्स्योरेन्स खबरको मोबाइल एप्स सार्वजनिक, यस्ता छन् सुविधा काठमाडौं।‌ इन्स्योरेन्स खबर डटकमले पाठकको सुविधाको लागि मोबाइल एप्स पनि सार्वजनिक गरेको छ। इन्स्योरेन्स‌ खबर एप्स एन्ड्रोइड फोनका लागि  गुगल...

प्रतिक्रिया दिनुहोस्

यो खबर पढेर तपाईंलाई कस्तो महसुस भयो ?

0%

खुसी

0%

दु :खी

0%

अचम्मित

0%

उत्साहित

0%

आक्रोशित

Vianet

सम्बन्धित समाचार

Insurance Khabar Mobile App Android and IOS