काठमाडौं । साताको पहिलो दिन नेप्से ४ दशमलव २९ अंकले बढेर १५६५ दशमलव ५५ को विन्दुमा कायम भएको छ । आज १ सय ९१ कम्पनीको १ करोड ९९ लाख ७२ हजार ३ सय ११ कित्ता शेयर किनबेच हुँदा ३ अर्ब १३ करोड रुपैयाँको कारोबार भएको छ ।
बैंकिङ्, होटल, विकास बैंक, फाइनान्स, र म्युचुअल फण्ड बोहक अन्य क्षेत्रको उपसूचक राताम्मे भएको छ । सबैभन्दा धेरै सोल्टी होटलको ४८ करोड ५६ लाख रुपैयाँ बराबरको कारोबार भएको छ । त्यस्तै, हिमाल दोलखा पावरको १४ करोड २७ लाख रुपैयाँको कारोबार भएको छ।
वेष्ट फाइनान्सका लगानीकर्ताले ९ दशमलव ९२ प्रतिशतका दरले कमाएका छन् भने माउन्टेन हाईड्रोपावरका लगानीकर्ताले ९ दशमलव ६८ प्रतिशतको दरले कमाएका छन् ।
त्यस्तै, युनिलिभर नेपालका लगानीकर्ताले ७ दशमलव ११ प्रतिशतका दरले गुमाएका छन् भने युनियन मोदी हाईड्रोपावरका लगानीकर्ताले ५ दशमलव २६ प्रतिशतले गुमाएका छन् ।