काठमाडौं । नेपाल राष्ट्र बैंकले २० अर्ब ३३ करोड रूपैयाँ बराबरको ट्रेजरी बिल बिक्री गर्ने भएको छ । बैंकले ९१ दिन, १८२ दिन र ३६४ दिनको लागि उक्त रकम बराबरको ट्रेजरी बिल बिक्री गर्न लागेको जनाएको छ ।
बैंकले ९१ दिनको अवधिका लागि १४ अर्ब ३ करोड रूपैयाँ बराबरको ट्रेजरी बिल बिक्री गर्नेछ । बोलकबोल प्रक्रियाका माध्यमबाट जारी गर्न लागिएको उक्त ट्रेजरी बिल २०७७ साल पुस ७ गते परिपक्क हुनेछ ।
यस्तै, बैंकले १८२ दिनको अवधिका लागि ४ अर्ब ३० करोड रूपैयाँ बराबरको ट्रेजरी बिल बिक्री गर्नेछ । उक्त ट्रेजरी बिल २०७७ साल चैत्र १० गते परिपक्क हुनेछ भने ३६४ दिनको अवधिका लागि २ अर्ब रूपैयाँ बराबरको ट्रेजरी बिल बिक्री गर्नेछ । उक्त ट्रेजरी बिल २०७८ साल भाद्र ५ गते परिपक्क हुने जनाएको छ ।
आज असोज ५ गते, सोमबार ३ बजे बोलकबोल हुने बैंकले जनाएको छ ।
