काठमाडौं, नेपाली बजारमा आज सुनको मूल्यमा वृद्धि भएको छ । आज छापावाला सुनको मूल्य तोलाको ६ सय रूपैयाँले बढेर प्रतितोला ९७ हजार ५ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । यस्तै, तेजावी सुनको मुल्य प्रतितोला ९७ हजार रुपैयाँमा कारोबार भइरहेको छ ।
त्यसैगरी, चाँदीको मूल्य पनि तोलाको २० रूपैयाँले बढेर प्रतितोला एक हजार ३ सय ४० रूपैयाँ कायम रहेको महासंघले बताएको छ ।
हिजो सोमबार सुनको मूल्य तोलाको ४ सय रूपैयाँले बढेर, छापावाला सुन प्रतितोला ९६ हजार ९ सय रुपैयाँ र तेजाबी सुन प्रतितोला ९६ हजार ४ सय रुपैयाँ पुगेको थियो ।