काठमाडौं । नेको इन्स्योरेन्स कम्पनीले चौथौ त्रैमासको वित्तीय विवरण सार्वजनिक गरेको छ । चौथौ त्रैमासको अवधिमा कम्पनीको खुद बिमाशुल्क आर्जन १० दशमलव ९१ प्रतिशतले ले बढेर १ अर्ब २७ करोड १ लाख ५६ हजार रुपैयाँ पुगेको छ । अघिल्लो वर्ष यसको बिमा कोषमा १ अर्ब १४ करोड ५१ लख ९२ हजार रुपैयाँ थियो ।
त्यस्तै कम्पनीको नाफा ३० प्रतिशतले बढेर ४४ करोड ८५ लाख रुपैयाँ पुगेको छ । अघिल्लो वर्ष कम्पनीले ३४ करोड ३६ लाख रुपैयाँ नाफा कमाएको थियो ।असार मसान्त सम्ममा १ अर्ब ३१ करोड रुपैयाँ चुक्ता पुँजी रहेको छ भने जगेडा कोषमा ५२ करोड ४४ लाख रुपैयाँ छ ।
यसअवधिमा कम्पनीले कुल ७७ करोड ७० लाख रुपैयाँ दाबी भुक्तानी गरेको छ भने ६० करोड ६७ लाख रुपैयाँ दाबी भुक्तानी गर्न बाँकी रहेको छ ।
कम्पनीको प्रतिसेयर आम्दानी ३४ रुपैयाँ ४ पैसा रहेको यसको प्रतिसेयर नेटवर्थ २ सय ८ रुपैयाँ ९६ पैसा छ ।
