काठमाडौं । सानिमामाई हाइड्रोको गत आर्थिक वर्षको चौथो त्रैमासमा खुद नाफा अघिल्लो वर्षभन्दा ५९ प्रतिशत बढी भएको छ । कम्पनीले ३६ करोड ८३ लाख ८४ हजार खुद नाफा गरेको छ । यो नाफा अघिल्लो वर्ष सोहि अवधिमा २३ करोड १२ लाख १८ हजार थियो । अघिल्लो वर्षभन्दा गत वर्ष विद्युत् विक्री आम्दानी बढी भएकाले नाफा बढेको हो ।
अघिल्लो वर्ष ७२ करोड ५० लाख ८२ हजार विद्युत् विक्रीबाट आम्दानी गरेको उक्त कम्पनीले गत वर्ष ८६ करोड ७ लाख ८४ हजार यो आमदानी गरेको हो । विद्युत् विक्री आम्दानी १८ दशमलव ७१ प्रतिशत बढी भएको छ ।
१० प्रतिशत बोनस शेयर मार्फत चुक्तापूँजी बढाएर २ अर्ब ५५ करोड ३१ लाख पुर्याएको उक्त कम्पनीको रिटर्न अर्निङ ६५ करोड ६४ लाख ३४ हजार र अन्य जगेडामा ३२ लाख ७४ हजार रहेको जनाएकामे छ ।
गत आर्थिक वर्षको चौथो त्रैमाससम्म कम्पनीको कुल सम्पत्ति ५ अर्ब ४९ करोड १३ लाख ५५ हजार र कुल दायित्व २ अर्ब २७ करोड ८५ लाख ४५ हजार रहेको छ ।
कम्पनीको प्रतिशेयर आम्दानी १४ रुपैयाँ ४३ पैसा र प्रतिशेयर नेटवर्थ १२५ रुपैयाँ ८४ पैसा रहेको छ ।
