काठमाडौं । सरकारले खोलालाई झोलामा हालेर हिडेको आशंकामा एक वर्षमा २३ वटा जल विद्युत आयोजनाको अनुमति पत्र खारेज गरेको छ । विद्युत विकास विभागका अनुसार वर्षदिनमा ८४२ मेगावाट क्षेमताको कूल २३ वटा आयोजनालाई दिइएको अनुमति पत्र खारेज गरिएको हो ।
सरकारले केही वर्षदेखि झोलामा खोला हालेको आशंकामा दर्जनौं विद्युत आयोजनाको लाईसेन्स खारेज गरिसकेको छ । यस वर्ष पनि लाईसेन्स लिएर विद्युत उत्पादनको कार्य अघि नबढाउने आयोजनाहरुलाई खारेज गर्ने क्रम जारी रहने विभागले जनाएको छ । सरकारले ४०० मेगावाटको कालिगण्डकी कावन, ६५ मेगावाटको कालिगण्डकी अपर, ५२ मेगावाटको सुपर बुढिगण्डकी, ७५ मेगावाटको त्रिशुली गल्छी, ७५ मेगावाटको दुधकोशी लगायतका २३ वटा आयोजना छन् ।
विभागले विद्युत आयोजनाको अनुमति खारेज गर्न विभागले नियमित अनुगमन समेत गरिरहेको जनाएको छ । विद्युत विकासको अनुमति लिई काम नगर्ने आयोजनाहरु खारेज गर्न विभागले कन्जुस्याई नगर्ने समेत प्रष्ट पारेको छ ।
