काठमाडौं । चालु आर्थिक वर्षको लागि बिनियोजन गरिएको बजेट खर्च गर्न अर्थमन्त्रालयले ६२ बुँदे निर्देशन जारी गरेको छ । अर्थमन्त्रालयका सचिव शिशिर ढुंगानाले जारी गरेको निर्देशनमा कर्मचारीहरुलाई मितव्ययिता अपनाउन र बजेट बिनियोजन नगरिएको क्षेत्रमा खर्च नगर्न भनिएको छ । निर्देशनमा बिनियोजन नगरिएको र शिर्षकमा खर्च गरिएमा सोको जिम्मेवारी सम्बन्धित कर्मचारीले नै लिनुपर्ने उल्लेख छ ।
निर्देशनमा चालक र कार्यालय सहयोगी बाहेक अस्थायी, ज्यालादारी र करारमा कर्मचारी नियुक्त गर्न नपाइने उल्लेख छ । त्यस्तै अर्थ ढुंगानाले दिएको निर्देशनमा बिजुली, पानी, घरभाडा, मसलन्द, इन्धन, मर्मत खर्चमा अधिकतम मितव्ययिता अपनाउन भनिएको छ । त्यस्तै जग्गा सम्बन्धी मुआब्जाको सम्बन्धमा निर्णय गर्दा मालपोत कार्यालयमा तोकेको अधिकतम सीमाभन्दा बाहिर नजान भनिएको छ । साथै मन्त्रालयले सरकारी कार्यालयको खर्चको हिसाब मासिक रुपमा सार्वजनिक गर्न समेत निर्देशन दिएका छन् ।
हेरौं ६२ बुँदे निर्देशन
finance minister
