काठमाडौं । स्वास्थ्य बीमा बोर्डका कार्यकारी निर्देशक रमेशकुमार पोखरेलले पदबाट राजिनामा दिएका छन् । बोर्डका कार्यकारी निर्देशक पोखरेलले असार १७ गते (बुधबार) प्रधानमन्त्री तथा मन्त्रिपरिषद्को कार्यालयलाई राजिनामा पत्र बुझाएका हुन् । राजिनामा पत्र स्वास्थ्य तथा जनसङख्या मन्त्री, राज्यमन्त्री लगायतलाई बोद्यार्थ दिएको छ ।
उनको कार्यअवधी चार बर्षको थियो । उनले स्वास्थ्य तथा जनसंख्या मन्त्रालयले पटक–पटक आफूले गरेको मागहरुको सुनुवाई नगरेको कारण राजिनमा दिएको इन्स्योरेन्सखबरलाई जानकारी दिए ।पोखरेल स्वास्थ्य बीमा बोर्डमा २०७५ मंसिर २३ मा नियुक्त भएका थिए । तर पुस लागेर मात्रै उनले जिम्मेवारी सम्हालेका थिए ।
