काठमाडौैं । ज्योति विकास बैंकले प्रमुख कार्यकारी अधिकृत (सिइओ) नियुक्तीको लागि आवेदन माग गरेको छ । बैंकले रिक्त रहेको प्रमुख कार्यकारी अधिकृत (सिइओ)को पदका लागि आकांक्षीहरुका लागि दरखास्त आब्हान गरेको हो ।
तत्कालीन सीइओ मनोजकुमार ज्ञवालीको राजीनामा पश्चात् बैंकमा सिइओ पद खाली रहेको छ । बैंकले एक सूचनामार्फत इच्छुक योग्य नेपाली नागरिकहरुबाट बैंकको केन्द्रिय कार्यालयमा आवेदन दिन आग्रह गरेको छ ।
बैंकले उक्त पदका लागि जेठ १५ गते भित्र आवेदन दिन आग्रह गरेको छ । जसका लागि कम्तीमा १५ बर्षको बैंकिङ अनुभव र १० वर्ष व्यवस्थापन तहमा काम गरेको अनुभव हुनुपर्ने बैंकले जनाएको छ । बैंकले ५५ बर्षभन्दा कम उमेरका उम्मेदावरले मात्रै आवेदन दिन पाउने जनाएको छ ।
आवेदनसाथ शैक्षिक योग्यता, अनुभव, सम्पर्क ठेगाना (इमेल, टेलिफोन, मोबाइल नम्बर, घर र कार्यालयको ठेगाना) सहितको विस्तृत व्यक्तिगत विवरण पेश गर्न बैंकले आग्रह गरेको छ ।
