काठमाडौं । प्रभु इन्स्योरेन्स कम्पनीले तेस्रो त्रैमासको वित्तीय विवरण सार्वजनिक गरेको छ । कम्पनीले तेस्रो त्रैमासको अवधिसम्ममा १५ करोड २२ लाख रुपैयाँ खुद नाफा आर्जन गर्न सफल भएको थियो ।
कम्पनीले गत बर्षको सोहि अवधिमा १४ करोड २ लाख रुपैयाँ खुद नाफा आर्जन गर्न सफल भएको थियो । कम्पनीको नाफा गत बर्षको तुलनामा १ करोड २० लाख रुपैयाँले बढी हो ।
कम्पनीले चैत मसान्तसम्ममा ४३ करोड ४० लाख रुपैयाँ खुद बीमाशुल्क आर्जन गर्न सफल भएको थियो । कम्पनीले गत बर्षको सोहि अवधिमा ३९ करोड ५४ लाख रुपैयाँ खुद बीमाशुल्क आर्जन गर्न सफल भएको थियो । गत बर्षको तुलनामा कम्पनीको खुद बीमाशुल्क आर्जन ३ करोड ८५ लाख रुपैयाँले बढी हो ।
त्यस्तै,कम्पनीले समिक्षा अवधिमा ५० हजार ७ सय ७७ वटा बीमालेख जारी गरेर एक अर्ब २० करोड रुपैयाँ कुल बीमाशुल्क आर्जन सकलन गर्न सफल भएको छ ।चैत मसान्तसम्ममा कम्पनीले कुल ५ हजार ६ सय ६५ वटा बीमा दाबी वापत ५६ लाख रुपैयाँ भुक्तानी गरेको छ ।
हाल कम्पनीको चुक्ता पूँजी एक अर्ब ५० लाख रुपैयाँ रहेको इन्स्योरेन्सको जगेडा कोषमा २३ करोड ३ लाख रुपैयाँ रहेको । समिक्षा अवधिमा कम्पनीको प्रतिशेयर आम्दानी वर्षिक २० रुपैयाँ २० पैसा, प्रतिशेयर नेटवर्थ १९७ रुपैयाँ रहेको छ ।
