काठमाडौं । लकडाउन अवधिभर कृषि विकास बैंकले देशभरका २०७ वटा शाखा कार्यालयबाट आफ्ना ग्राहकहरुलाई बैंकिङ सेवा दिने भएको छ । बैंकले आज चैत २६ गतेदेखि आगामी २०७७ बैशाख ३ गतेसम्म ७ वटै प्रदेशका विभिन्न शाखाहरूबाट बैंकिङ सेवा दिने जनाइएको छ ।
बैंकले कुन शाखा कुन दिन कुन समयमा खोल्ने सबै उल्लेख गरेको छ । साथै, बैंकले ग्राहकलाई सजिलो होस् भन्ने हेतुले उक्त शाखाका सम्बन्धित व्यक्तिहरूको सम्पर्क नम्बर पनि उपलब्ध गराएको छ । यसै अनुसार ग्राहकले आफुलाई पायक पर्ने नजिकैको शाखाहरूबाट बैंकले दिने बैंकिङ सेवा सुविधा अर्थात निक्षेप राख्न र नगद झिक्न सक्ने समेत बैंकले जनाएको छ ।
त्यस्तै, बैंकले आफ्ना ग्राहकलाई मोबाइल बैंकिङ र एटीएम सेवा उपयोग गर्न आग्रह पनि गरेको छ ।
