काठमाडौं । प्रभु बैंकले नेपाल सरकारले स्थापना गरेको कोरोना नियन्त्रण कोषमा जम्मा गर्न एक करोड एक लाख रुपैयाँ हस्तान्तरण गरेको छ ।
बिहिवार बैंकका प्रमुख कार्यकारी अधिकृत अशोक शेरचनले प्रधानमन्त्री कार्यालयमा कार्यरत सचिव नारायण प्रसाद बिडाँरीलाई हस्तान्तरण गरेका हुन् ।
बैंकका प्रमुख कार्यकारी अधिकृत शेरचनले सरकारले स्थापना गरेको कोरोना संक्रमण रोकथाम, नियन्त्रण तथा उपचार कोषमा आफ्नो सामाजिक उत्तरदायित्व अन्तर्गत उक्त सहयोग गरेको जनाएका छन् । सूचना प्रविधि तथा सञ्चार मन्त्रालयमा अर्थमन्त्री डा. युवराज खतिवडाको उपस्थितिमा बैंकले सो रकम हस्तान्तरण गरेको हो ।
