काठमाडौं । गुँरास लाइफ इन्स्योरेन्स कम्पनीकोे आज चैत्र २० गतेदेखि निष्काशन हुने हकप्रद शेयर अनिश्चतकालसम्म लागि स्थगित भएको छ । कम्पनीले आज एक सूचना जारी गर्दै कोरोना माहामारीका कारण देश लक डाउनको अवस्थामा भएकाले हकप्रद निष्काशन स्थगित गरिएको जनाएको छ ।
कम्पनीले २०७६ फागुन २२ गते हकप्रद शेयर निष्काशनको लागि बुक क्लोज कायम गरेको थियो । कम्पनीले एक बराबर एकको अनुपातमा एक सय रुपैयाँ अंकित दरका ९३ लाख ८५ हजार २ सय कित्ता हकप्रद शेयर निष्काशन गर्न लागेको हो ।
हकप्रद निष्काशन तथा विक्री प्रबन्धकमा एनएमबि क्यापीटल रहेको छ । अब कम्पनीले अर्को सूचना जारी गरेपछि मात्र हकप्रद शेयर निष्काशन तथा विक्री खुला हुने समेत कम्पनीले जनाएको छ ।
