काठमाडौं । महालक्ष्मी लाइफ इन्स्योरेन्स कम्पनीका प्रमुख कार्यकारी अधिकृत रमेश कुमार भट्टराईले कोरोना भाइरस रोकथाम, नियन्त्रण तथा उपचार कोषमा दुई महिनाको तलब भत्ता दिने घोषणा गरेका छन् । उक्त भाइरसको कारण देश लकडाउनको अवस्थामा रहेको छ । विश्वव्यापी संकटको अवस्थामा नेपालीहरुको रक्षाका लागि आफ्नो तर्फबाट आफ्ले सकेको सहयोग गर्न लागेको जनाएका छन् ।
यो संकटको घडीमा सरकार एक्लैको स्रोत तथा साधनले धान्न असम्भव भएको कारण भट्टराइले सहयोग गर्ने बताएका हुन् ।
सरकारले यो अवस्थामा विभिन्न संघ संस्था, अन्तराष्ट्रिय समुदाय, नागरिकबाट सहयोगको आशा राखेको छ । नेपालभरका विभिन्न अस्पताल कोरोना उपचार र रोकथामका लागि अहोरात्र खटिरहेका छन् ।
