काठमाडौं । लुम्बिनी जनरल इन्स्योरेन्स कम्पनी लिमिटेडले लिलामी शेयरको बाँडफाँड तथा बाँडफाँटमा नपरे बापतको रकम फिर्ता गर्ने भएको छ ।
कम्पनीले चैत ६ गते लिलामी शेयरको बाँडफाँड गरेको थियो । कम्पनीले फागुन १४ गतेदेखि २१ गतेसम्म सर्वसाधारण समूहतर्फको ९९ लाख ७२६ कित्ता हकप्रद शेयर लिलामीमार्फत विक्रीमा ल्याएको थियो ।
उक्त लिलामी मार्फत विक्रीमा ल्याएको शेयर बाँडफाँडमा नपरे बापतको रकम कम्पनीले आजदेखि आवेदकले उल्लेख गरेको बैंक खातामा आईपीएसमार्फत फिर्ता गर्ने एक सूचना जारी गर्दै जनाइएको छ ।
कम्पनीको विक्री प्रबन्धकमा सि वि आई एल क्यापिटल लिमिटेड रहेको छ ।
