काठमाडौं । प्रिमियर इन्स्योरेन्स कम्पनीले चालु आर्थिक वर्षको दोस्रो त्रैमासको वित्तीय विवरण बिहिवार प्रकाशन गरेको छ । कम्पनीले चालु आर्थिक वर्षको समिक्षा अवधिसम्ममा ९८ करोड २४ लाख रुपैयाँ कूल बीमा शुल्क आर्जन गर्न सफल भएको छ । कम्पनीले गत आर्थिक वर्षको सोही अवधिमा ७९ करोड ५४ लाख रुपैयाँ कूल बीमा शुल्क आर्जन गरेको थियो ।
नयाँ कम्पनी थपिएपछि प्रतिस्पर्धी बनेको बीमा बजारमा बीमा शुल्क उल्लेख्य रुपमा आर्जन गर्न सफल हुँदै प्रिमियर इन्स्योरेन्सले व्यवसायिक दक्षता प्रदर्शन गरेको छ ।
एक अर्ब ७ करोड रुपैयाँ चुक्ता पूँजी भएको कम्पनीले समिक्षा अवधिसम्ममा जगेडा कोषमा २१ करोड २ लाख ३६ हजार रुपैयाँ संचिती गरेको छ । गत आर्थिक वर्षको सोही अवधिमा कम्पनीले जगेडा कोषमा ६० करोड १० लाख ५३ रुपैयाँ मात्र संचिती गरेको थियो । गत आर्थिक वर्षको सोही अवधिको तुलनामा कम्पनीको जगेडा कोष घटेको हो ।
पुष मसान्तसम्ममा कम्पनीको बीमा कोषमा ५४ करोड २ लाख रुपैयाँ रहेको छ । गत आर्थिक वर्षको सोही अवधिमा कम्पनीको बीमा कोषमा ४३ करोड १ लाख रुपैयाँ मात्र रहेको थियो ।
समिक्षा अवधिसम्ममा कम्पनीले ५३ करोड २० लाख रुपैयाँ कूल दाबी भुक्तानी गरेको छ । गत आर्थिक वर्षको सोही अवधिमा कम्पनीले ५४ करोड ८६ लाख रुपैयाँ कुल् दाबी भुक्तानी गरेको थियो । गत आर्थिक वर्षको सोही अवधिको तुलनामा कम्पनीको कूल दाबी भुक्तानी घटेको हो ।
त्यस्तै, यस अवधिसम्म कम्पनीले ८१ हजार ८ सय ८४ बीमा लेख जारी गरेको छ । गत आर्थिक वर्षको सोही अवधिमा कम्पनीले १ लाख ३ हजार १ सय २१ वटा बीमालेख जारी गरेको थियो ।
यस अवधिसम्म कम्पनीले ८ करोड ९३ लाख रुपैयाँ नाफा कमाउन सफल भएको छ । गत आथिृक वर्षको सोही अवधिमा कम्पनीले ५ करोड ८८ लाख रुपैयाँ खुद नाफा कमाएको थियो ।
प्रति शेयर आम्दानी १६ रुपैयाँ ६४ पैसा रहेको छ । प्रति शेयर नेटवर्थ १ सय ७५ रुपैयाँ ४८ पैसा रहेको छ ।
