काठमाडौं । सगरमाथा इन्स्योरेन्सले चालु आर्थिक वर्षको दोस्रोे त्रैमासिक वित्तिय विवरण सार्वजनिक गरेको छ । कम्पनीले आर्थिक वर्ष ०७६।०७७ को दोस्रोे त्रैमाससम्म १ अर्ब २३ करोड ९८ लाख रुपैयाँ कुल बीमा शुल्क आर्जन गरेको आज प्रकाशित वित्तिय विवरणमा उल्लेख छ ।
कम्पनीले अघिल्लो आर्थिक वर्षको सोहि अवधिमा १ अर्ब ८ करोड ८७ लाख रुपैयाँ कुल बीमा शुल्क आर्जन गरेको थियो । गत आर्थिक बर्षको तुलनामा कम्पनीको कुल बीमा शुल्क आर्जन रकम १४ प्रतिशतले वृद्धि भएको छ ।
पुस मसान्तसम्ममा १० करोड ३९ लाख रुपैयाँ खुद नाफा गरेको छ । कम्पनीले गत बर्षको सोहि अवधिमा ८ करोड ४८ लाख रुपैयाँ खुद नाफा आर्जन गरेको थियो । कम्पनीको खुद नाफा अघिल्लो आर्थिक वर्षको तुलनामा २२ प्रतिशतले बढेको छ ।कम्पनीको चुक्ता पुँजी १ अर्ब १२ लाख रुपैयाँ छ भने जगेडा कोषमा २८ करोड १५ लाख रुपैयाँ संचित रहेको छ । त्यस्तै कम्पनीले बीमा कोषमा ६२ करोड रुपैयाँ संचित रहेको छ ।
दोस्रो त्रैमाससम्मको अवधिसम्ममा कम्पनीले ३ हजार ४ सय ८८ वटा बीमा दाबी वापत ५७ करोड ७ लाख रुपैयाँ दाबी भुक्तानी गरको छ । त्यस्तै कम्पनीले प्रकाशन गरको वित्तिय विवरण अनुसार ३ हजार ४ सय ६० वटा बीमा वापतको ८४ करोड १२ लाख रुपैयाँ बीमा दाबी भुक्तानी गर्न बाँकि रहेको छ । कम्पनीको वार्षिक प्रति शेयर आम्दानी भने २० रुपैयाँ ७६६ पैसा रहेको छ ।
