काठमाडौं । तीन वाणिज्य बैंकले ठुलो संख्यामा कर्मचारीको माग गरेको छ । कर्मचारीको माग गर्ने वाणिज्य बैंकहरमा एभरेष्ट बैंक,नबिल बैंक र सेन्चुरी बैंक हुन् ।
नबिल बैंकले ५० जना सहायक प्रशिक्षार्थीको माग गरेको छ । स्नातक तह उत्तीर्ण २५ वर्ष मुनिका नेपाली नगारिकले उक्त पदकालागि आवेदन दिन सक्नेछन् । आवेदन दिने अन्तिम मिती फागुन ७ गते रहेको बैंकले जनाएको छ ।
त्यसैगरी एभरेष्ट बैंकले टेलर पदका लागि कर्मचारीको माग गरेको छ । २८ वर्ष नकटेका र प्लस टु उत्तीर्ण गरेकाले उक्त पदका लागि आवेदन दिन पाउने छन् । बिराटनगर,नारायणगढ, बुटवल , नेपालगंज र धनगढीका लागि कर्मचारीको माग गरिएको हो । ईच्छुक तथा योग्यता पुगेका नागरिकले फागुन ७ गतेसम्म दरखास्त दिन सक्नेछन् ।
त्यस्तै, सेन्चुरी बैंकले पनि केही कर्मचारीको दरखास्तका लागि आह्वान गरेको छ । बैंकले वरिष्ठ सहायक, सुपरभाइजर,सहायक अधिकृत,अधिकृत, वरिष्ठ अधिकृत , सहायक व्यवस्थापक र डेपुटी म्यानेजरकालागि दरखास्त आह्वान गरेको हो ।
डेपुटी म्यानेजर धनगढी कालागि माग गरिएको हो । त्यसैगरी पोखरा,बिराटनगर,बीरगंज, काठमाडौं र भैरहवाकालागि सहायक व्यवस्थापकको माग गरिएको छ । भोजपुर,सुर्खेत,नारायणगढ , बिर्तामोड, धनगढी, मुस्तांग , डिक्टेल , कोहलपुर , लेटे , ओखलढुंगा , खाँदबारी,इलाम ,घोराही लगायतका स्थानका लागि पनि विभिन्न पदका लागि आवेदन खुलाइएको हो । आवेदनका लागि अन्तिम मिति माघ २८ गते रहेको छ ।
