महोत्तरी । स्वदेशी लघुवित्त वित्तीय संस्थाले प्रदेश नं.२ मा रहेका आफ्ना १७ वटा शाखा कार्यालयको चालु आ.व.२०७६/०७७ को अर्ध वार्षिक समिक्षा गोष्ठी सम्पन्न गरेको छ । संस्थाले उक्त गोष्ठी बर्दिवास, महोत्तरीमा सम्पन्न गरेको हो ।
कार्यक्रममा लक्ष्य अनुसार प्रगति भए नभएको, प्रगति हुनु र नहुनुको कारण, काम गर्दा आई परेको समस्या, चुनौती तथा समाधानका उपायहरु वारे छलफल भएको थियो । कार्यक्रममा शाखा प्रवन्धक, ईलाका प्रवन्ध र केन्द्रीय कार्यालका प्रतिनिधि गरी १९ जनाको सहभागिता रहेको थियो ।
साथै, समीक्षा बैठकमा सहभागीहरुलाई कर्जा लगानी विस्तारका लागि अपनाउनु पर्ने रणनीति तथा धितो कर्जा लगानी पूर्व जग्गा पहिचान र मूल्याङकन प्रकृया वारे प्रशिक्षण दिईएको थियो ।
