काठमाडौं । आज शेयर बजार नेप्से ७ दशमलव ०५ अंकले घटेर १,३१३ दशमलव ४२ को विन्दुमा कायम भएको छ । कारोबार खुला भएको एक घण्टामा शेयर बजार नेप्से ५ अंकले घटेको थियो । नेप्से परिसूचक ५ अंकले घटेर १,३१४ दशमलव ८८ को विन्दुमा कायम भएको थियो ।
कारोबार खुलेको एक घण्टामा फाइनान्स र म्युचल फण्ड बाहेक सबै उपसूचकमा गिरावट आएको थियो । तर कारोबार बन्द हुँदा लाइफ इन्स्योरेन्स उपसुुचक बाहेक सबै उपसूचक रात्तामै देखिएको छ । जीवन बीमा समुह २ दशमलव ३२ प्रतिशतले बढेको छ ।
पछिल्लो समय जीवन बीमा कम्पनीहरुको शेयरमा लगानीकर्ताको चासो बढेको छ ।
आज दिनभरिमा १ सय ७८ कम्पनीको ४९ लाख १४ हजार ४ सय ३७ कित्ता शेयर किनबेच हुदा १ अर्ब ५८ करोड १३ लाख ८१ हजार रुपैयाँको कारोबार भएको छ । सबैभन्दा धेरै ग्लोबल आइएमई बैंकको ६१ करोड १२ लाख रुपैयाँमाथिको कारोबार भएको छ ।
त्यस्तै, नेपाल बैंकको ९ करोड रुपैयाँ, सूर्या लाइफ इन्स्योरेन्सको ७ करोड ६९ लाख, एशियन लाइफ ५ करोड, प्राइम लाइफ इन्स्योरेन्सको ५ करोड रुपैयाँको कारोबार भएको छ ।
त्यसैगरी आज एशियन लाइफ इन्स्योरेन्स र प्राइम लाइफ इन्स्योरेन्सका लगानीकर्ताले ८ प्रतिशतका दरले कमाएका छन् ।
सबैभन्दा धेरै पाँचथर पावरका लगानीकर्ताले ८ प्रतिशतका दरले गुमाएका छन् । कञ्चन डेभलपमेन्ट र सेन्ट्रल फाइनान्सका लगानीकर्ताले ७ प्रतिशतका दरले गुमाएका छन् ।
