काठमाडौं । प्रभु इन्स्योरेन्सले माघ २४ गते २४ औँ वार्षिक साधारण सभा आव्हान गरेको छ । कम्पनीको ३८० औं बैंठकले उक्त सभाको मिति घोषणा गरेको हो । सभा प्रभु कम्प्लेक्स, तीनकुने, काठमाण्डौमा बिहान ११ बजे शुरु हुने कम्पनीले जनाएको छ ।
सभामा ५ प्रतिशत बोनस शेयर र सोको कर प्रयोजनका लागि समेत गरी ११.३२ प्रतिशत नगद लाभांश गरी कूल १६.३२ प्रतिशत लाभांश पारित गर्ने प्रस्ताव रहेको छ ।
त्यस्तै, सभाले प्रबन्धपत्र तथा नियमावलीमा आवश्यक संशोधन गर्न सञ्चालक समितिलाई पूर्ण अख्तियारी दिने, लेखापरीक्षक नियुक्त गर्ने र गत आर्थिक वर्षको वित्तीय विवरण स्वीकृत गर्ने प्रस्ताव रहेको छ ।
साधारण सभा प्रयोजका लागि कम्पनीले माघ १० गते एक दिनका लागि शेयर दाखिल खारेज दर्ता बन्द गर्ने भएको छ । त्यसकारण माघ ९ गतेसम्म नेप्सेमा कारोबार भई कायम शेयरधनीहरुले इन्स्योरेन्सको लाभांश प्राप्त गर्न तथा साधारण सभामा सहभागि हुन सक्नेछन् ।
हाल कम्पनीको चुक्ता पूँजी १ अर्ब ५० लाख रहेको छ ।
