काठमाडौं । ग्लोबल आइएमई बैंकले १ अर्ब ५० करोड रुपैयाँ बराबरको ऋणपत्र ल्याउने भएको छ । बैंकले १ अर्ब ५० करोड रुपैयाँ बराबरको १५ लाख इकाई ऋणपत्र निष्कासनका लागि रेटिङ सम्पन्न गरेको छ ।
इक्रा नेपालले ऋणपत्रलाई न्यून जोखिम जनाउने ‘इक्रा एनपी एलए’ रेटिङ दिएको छ । बैंकले प्रतिइकाई १ हजार रुपैयाँ दरमा १५ लाख इकाई ऋणपत्र बिक्री गर्ने तयारी गरिरहेको छ ।
ऋणपत्र ल्याउन यसले रेटिङ गराए पनि हालसम्म धितोपत्र बोर्डमा आवेदन भने दिएको छैन । नेपाल धितोपत्र बोर्डले अनुमति दिएपछि बिक्री प्रक्रिया अघि बढ्नेछ ।