काठमाडौं । राजधानी ललितपुरको कुपण्डोलस्थित बागमति किनारामा रहेको बजाज सर्भिसिङ सेन्टरमा बिहिवार राति भिषण आगोलागी भएको छ । राति आठ बजेदेखि लागेको आगो काठमाडौं, ललितपुरका दमकल तथा पानी ट्याङ्करको सहयोगमा नियन्त्रणमा लिइएको ललितपुर प्रहरीले जनाएको छ ।
आगोलागीबाट स्टोरमा रहेका मोटरपार्टस्का साथै सर्भिसिङ गर्ने उपकरणमा क्षति पुगेको प्रहरीले जनाएको छ । घटनामा करोडभन्दा माथिकै क्षति पुगेको अनुमान गरिएको छ । चर्चित व्यापारिक घराना गोल्छा अर्गनाईजेशन बजाजको आधिकारिक बिक्रेता हो । सो सर्भिसिङ सेन्टरको बीमा गरिएको जनाइएको छ । बीमा दावी प्रहरीको प्रतिवेदनपछि प्रक्रिया सुरु हुनेछ ।
