काठमाडौं । सनराइज बैंकले क्यास ब्याक योजना ल्याएको छ । डेबिट क्रेडिट कार्ड सेवा लिएका तर हालसम्म पनि पोइन्ट अफसेल टर्मिनल वा इ कमर्शमा कार्ड प्रयोग नगरेकाले माघ १ देखि तीन महिनासम्म यो सुविधा पाउने बैंकले जनाएको छ ।
पोइन्ट अफ सेल टर्मिनल वा ई कमर्शमा कारोबार गर्दा २५० क्यास ब्याक हुने बैंकले जनाएको छ । यस योजना अन्तर्गत क्यास ब्याक प्राप्त गर्नको लागी डेबिट क्रेडिट कार्ड मार्फत महिनामा कम्तीमा दुई पटक न्यूनतम ५०० वा सोभन्दा बढीको कारोबार गर्नुपर्ने छ ।
साथै कुनै पनि ग्राहकले डेबिट/क्रेडिट कार्ड मार्फत एकै पटक वा पटक पटक गरी एक महिनामा १५,००० वा सो भन्दा बढिको खरिद कारोबार गरेमा १,००० क्यास व्याक प्राप्त गर्न सक्ने बैंकले जनाएको छ ।
