काठमाडौं । लगातार तीन दिन बढेका शेयर बजार आज फेरी घटेको छ । शेयर बजार नेप्से ७ दशमलव ४८ अंकले घटेर १,२६३ दशमलव ३८ को विन्दुमा कायम भएको छ । ट्रडिङ, होटल, विकास बैंक, फाइनान्स र अन्य बाहेक सबै उपसूचक घटेका छन् । सबैभन्दा धेरै निर्जीवन बीमा समुह ० दशमलव ९५ अंकले घटेको छ ।
१ सय ८३ कम्पनीको ३७ लाख ६६ हजार ९ सय ८२ कम्पनीको १ अर्ब २ करोड ६४ लाख रुपैयाँको कारोबार भएको छ । सबैभन्दा धेरै प्रभु बैंक प्रोमोटर शेयरको ११ करोडमाथिको कारोबार भएको छ ।
त्यस्तै, नागरिक लगानी कोषको ७ करोड २२ लाख रुपैयाँको कारोबर भएको छ । एनआइसी एशिया, नेपाल लाइफ,हिमालयन बैंक, डिप्रोक्स लघुवित्त र प्रभु बैंकको २ करोडमाथिको कारोबार भएको छ ।
रैराङ हाइड्रोपावरका लगानीकर्ताले सबैभन्दा धेरै १० प्रतिशतका दरले कमाएका छन् भने दिव्यश्वरी हाइड्रोपावरका लगानीकर्ताले ८ प्रतिशतका दरले गुमाएका छन् ।
