काठमाडौं । आज शेयर बजारमा उछाल आएको छ । नेप्से ४२ दशमलव ६१ अंकले बढेर १,२५५ दशमलव ७२ को विन्दुमा कायम भएको छ । आज सबै उपसूचकहरु बढेका छन् । सबैभन्दा धेरै निर्जीवन बीमा समुह ८ दशमलव १७ अंकले बढेको छ ।
माइक्रोफाइनान्स र जीवन बीमा समुह पनि क्रमश ६ अंकले बढेका छन् । आज माइक्रोफाइनान्स र बीमा कम्पनीहरुको शेयरमा लगानीकर्ता आकर्षण भएका छन् । दिनभरिमा १ सय ७९ कम्पनीको ३८ लाख ३१ हजार ५४ कित्ता शेयर किनबेच हुँदा १ अर्ब ३३ करोड ५७ लाख ४७ हजार ९ सय ६७ रुपैयाँको कारोबार भएको छ ।
सबैभन्दा धेरै नेपाल लाइफ इन्स्योरेन्सको ५ करोड ८८ लाख रुपैयाँको कारोबार भएको छ । ग्रामीण विकास लघुवित्त र एनआइसी एशिया बैंकको ४ करोडमाथिको कारोबार भएको छ । सिवम् सिमेन्ट, डिप्रोक्स लघुवित्त, फर्स्ट माइक्रोफाइनान्स र नेपाल बैंकको ३ करोडमाथिको कारोबार भएको छ ।
आज सबैभन्दा धेरै सूर्या लाइफ इन्स्योरेन्स कम्पनीका लगडानीकर्ताहरुले १० प्रतिशतका दरले कमाएका छन् भने सबैभन्दा धेरै माउन्टेन हाइड्रोका लगानीकर्ताहरुले २ प्रतिशतभन्दा बढीका दरले गुमाएका छन् ।
