काठमाडौं । बैंकिङ्ग फाईनान्स एण्ड इन्स्योरेन्स इन्स्टिच्युट अफ नेपालको प्रथम वार्षिक साधारण सभा सम्पन्न भएको छ । बिहिबार सम्पन्न साधारणसभाले आर्थिक वर्ष २०७५/७६ सम्मको सञ्चित मुनाफाबाट शेयरधनीहरुलाई १० प्रतिशत नगद लाभांश तथा १० प्रतिशत बोनस शेयर (कर सहित) वितरण गर्ने प्रस्ताव पारित गरेको हो ।
कम्पनीले उक्त सभा मार्फत प्रस्ताव गर्न लागेको हकप्रद प्रस्ताव स्थगित भएको छ । बिहिबार सम्पन्न साधारणसभाले हकप्रद प्रस्ताव हालको स्थगित गर्ने निर्णय गरेको हो ।
यस्तै, सभाले आर्थिक वर्ष २०७५/७६ को लेखापरिक्षकको प्रतिवेदन सहितको वासलात, नाफा नोक्सान हिसाब र नगद प्रवाहको विवरण लगायतका वित्तिय विवरणहरु, लेखापरीक्षक को नियुक्ती एवम् पारिश्रमिक समेत सभाले पारित गरेको छ ।
सभाले कम्पनीको सञ्चालक समितिमा संस्थापक समूहबाट ५ जना संचालकहरुलाई निर्वा्चित गरेको छ । कम्पनीको सञ्चालक समितिमा इमर्जिङ नेपाल लिमिटेडको तर्फबाट डा. विनोद आत्रेय, ग्लोबल आईएमई बैंकको तर्फबाट भवानी ढकाल, नेपाल इन्भेष्टमेन्ट बैैंकको तर्फबाट दिपक कुमार श्रेष्ठ, महालक्ष्मी विकाश बैंकबाट दिपेश लम्साल र एनआईसी एशिया बैंकको तर्फबाट नारायण प्रसाद नेपाल निर्वा्चित भएका छन् ।
