काठमाडौं । प्रिमियर इन्स्योरेन्सको प्रमुख कार्यकारी अधिकृतमा विश्वराम तिमिला नियुक्त भएका छन् । कम्पनीको सोमबार बसेको सञ्चालक समितिको बैठकले पुस २१ गते मंगलबारदेखि लागू हुने गरी चार वर्षका लागि सिईओमा नियुक्त गरेको सो कम्पनीका डेपुटी सिईओ सहदेव तिवारीले बताए ।
नव नियुक्त सिईओ विश्वराम तिमिलाले आजबाट कार्यभार सम्हालेका छन् । मंगलबार विहान शपथ लिएर अपरान्हदेखि कार्यभार सम्हालेको प्रिमियर इन्स्योरेन्सले जनाएको छ । यसअघि नेको इन्स्योरेन्सको सिईओ रहेका तिमिला बीमा क्षेत्रका अनुभवी प्रशासक मानिन्छन् ।
तिमिलाले गत साता बीमा समितिबाट सिईओमा नियुक्तीका लागि स्वीकृति पाएका थिए । 
