काठमाडौं । मध्य नेपालको बाग्लुङ्का देशका ठूलो घरानाका उद्यमीहरु जमघट गर्दै लगानीबारेमा बहस गरेका छन् । बागलुङ महोत्सवको अवसर पारेर देशका ठूला लगानीकर्ताहरुले शुक्रबार लगानीबारे जमेर बहस गरेका छन् ।
नेपाल उद्योग बाणिज्य महासंघका बरिष्ठ उपाध्यक्ष शेखर गोल्छा, महासंघकै अर्का उपाध्यक्ष चन्द्रप्रसाद ढकाल र भाटभटेनी गु्रपका अध्यक्ष मीनबहादुर गुरुङ, प्रभु बैंकका सिईओ अशोक शेरचनलगायतका एक दर्जन ठूला र स्थानीयसहित करिद दुई सय व्यवसायीहरु सहभागी लगानी बहसमा गण्डकी प्रदेशका आर्थिक मामिला तथा योजनामन्त्री किरण गुरुङको उपस्थिति रहेको थियो । बैंक, वित्तीय संस्था तथा बीमा कम्पनीका संस्थागत लगानीकर्ताहरु बाग्लुङ पुगेर लगानीको सम्भावनाबारे बहस गरेका हुन् ।
कार्यक्रममा बाग्लुङमा कृषि, पर्यटन, जलविद्युत र भौतिक पूर्वाधारमा सम्भावना रहेको चर्चा गरियो । प्रभु बैंकका प्रमुख कार्यकारी अधिकृत (सीईओ) अशोक शेरचन आफैले जिल्लाका लगानी सम्भावनाबारे चर्चा गरेका थिए ।
आईएमई लाईफ तथा आईएमई जनरल इन्स्योरेन्स कम्पनीका मुख्य प्रबर्तक रहेका आइएमई गु्रपका अध्यक्ष समेत रहेको महासंघका उपाध्यक्ष चन्द्रप्रसाद ढकालले बाग्लुङमा पर्यटनसम्बन्धी लगानीका लागि काम गरिरहेको र केवलकारको सम्भावना देखेको बताए । यसैबीच, आईएमई ग्रुपका उपाध्यक्ष चन्द्र ढकालले बाग्लुङबाटै आगामी निर्वाचनमा नेपाल उद्योग बाणिज्य महासंघको बरिष्ठ उपाध्यक्षमा उम्मेदवारी दिने घोषणा गरेका छन् ।
