मिर्मिरे लघुवित्तको साधारण सभा पुस २८ गते, बुक क्लोज कहिले ?

Citizen Life Insurance Co

काठमाडौं । मिर्मिरे लघुवित्त वित्तीय संस्थाको नवौं वार्षिक साधारण सभा पुस २८ गते बस्ने भएको छ । सभा मिराबल रिसोर्ट एण्ड होटल, धुलिखेल–३ काभ्रेपलान्चोकमा बिहान ११ बजे सुरु हुने जनाएको छ ।

सभा प्रयोजनका लागि मिर्मिरेले पुस १८ देखि २८ गतेसम्म बुक क्लोज गर्दैछ । पुस १७ गतेसम्म कायम सेयरधनीले लाभांश सुरक्षित गर्न सक्नेछन् ।

सभामा कम्पनीले ४७.३६ प्रतिशत लाभांश वितरण गर्ने प्रस्ताव पेश गर्दैछ । कम्पनीले गत वर्षको नाफाबाट ४५ प्रतिशत बोनस सेयर र कर प्रयोजन सहित २.३६ प्रतिशत नगद लाभांश वितरण गर्न लागेको हो ।

सभामा संस्थापक समूहको ४ जना र सर्वसाधारण समूहको २ जना सञ्चालकहरुको निर्वाचन गर्ने एजेन्डा छ । यस्तै, कम्पनीको प्रबन्धपत्र र नियमावलीमा संशोधन गर्ने एजेन्डा पनि छ ।

त्यस्तै, कुनै वित्तीय संस्थाहरु गाभ्न र गाभिन परेमा त्यसको सम्पूर्ण अख्तियारी सञ्चालक समितिलाई दिने प्रस्ताव पनि रहनेछ । आर्थिक वर्ष २०७५–७६ को वासलात, नाफा–नोक्सान र नगद प्रवाहमाथि छलफल गर्ने प्रस्ताव रहेको छ ।

प्रतिक्रिया दिनुहोस्

सम्बन्धित समाचार