पुस ९ गते सार्वजनिक विदा दिन माग

काठमाडौं । क्रिश्चियनहरुको पवित्र पर्व ख्रीसमसको अवसरमा यही पुस ९ गते सार्वजनिक विदा दिन सो धर्म सम्बद्ध संस्थाले माग गरेको छ । ख्रीष्टियनहरुको छाता संगठन राष्ट्रिय ख्रीष्टियन महासंघ नेपालले आगामी पुस ९ गतेका दिन देशैभरि सार्वजनिक विदा दिन माग गरेको हो ।

शुक्रबार राजधानी काठमाडौंमा पत्रकार सम्मेलनको आयोजना गरी महासंघले पुस ९ गते सार्वजनिक गर्न माग गरेपछि सरकारलाई उक्त दिन सार्वजनिक विदा दिन दवाव परेको छ । महासंघले पत्रकारमार्फत भनेको छ, ‘ख्रीष्टियन समुदायको महान पर्व क्रिसमसका दिन आगामी पुस ९ गते परेकोले सो दिन सार्वजनिक विदा घोषणा गर्न माग गरेको छ ।

महासंघले देशैभरि करिब १२, ५०० भन्दा बढि चर्च (मण्डली) हरुमा लाखौं नेपाली आबद्ध भएकोले सो दिन राष्ट्रिय पर्वको रुपमा विदा दिन माग गरेको थियो । यसअघि २०६४ देखि २०७२ सालसम्म निरन्तर रुपमा ख्रीष्टियनहरु महान पर्व क्रिसमसको अवसरमा नेपाल सरकारले सार्वजनिक विदा दिँदै आएको पनि दुई वर्षदेखि काटिएकोमा भत्र्सना समेत गरेको छ ।

प्रतिक्रिया दिनुहोस्

सम्बन्धित समाचार