IME Life

२० लाख स्याउको बोटबाट बार्षिक ६० करोड आम्दानी, तीन जना किसान मात्रै बीमाको पहुँचमा

SPIL
Sanima Reliance
GBIME

काठमाडौं । हिमाली क्षेत्रलाई बीमा कम्पनीहरुले प्राथमिकतामा नराख्दा ठूलो बजार बीमाको पहुँच बाहिर रहेको खुलेको छ । हिमाली जिल्ला मुस्ताङका झण्डै दुई हजार किसानले स्याउ खेती गरी बार्षिक ६० करोडभन्दा बढि आम्दानी गर्न थालेका छन् । तर, जम्मा तीन जना मात्रै किसानले बीमा गराएको खुलेको छ ।

जिल्लास्थित स्याऊ जोन कार्यालयका प्राविधिक लवश्री विश्वकर्माले दिएको जानकारी अनुसार मुस्याङ जिल्लामा मात्रै २० लाख १६ हजार पाँच सय वटा स्याऊका बिरुवा रोपिएका छन् । रोपिएका बिरुवाहरु मध्ये करिब ५० बिरुवा बीमाको दायरामा आएका छन् । स्थानीय तीन जना किसानले अन्दाजी ५० हजार बिरुवाको बीमा शिखर इन्स्योरेन्समा गराएको स्याउ जोन कार्यालयले जनाएको छ ।

Crest

बाँकी किसान माँझ बीमाको पहुँच विस्तार हुन नसकेको स्याऊ जोन कार्यालयको अधिकारीको भनाई छ । करिब दुई हजार किसानले यस वर्ष छ हजार पाँच सय टन स्याउ निर्यात गरी करिब ६० करोड रुपैयाँ आम्दानी गरेको जिल्लास्थित स्याउ जोन कार्यालयले जनाएको छ ।

कृषि बीमाको ठूलो सम्भावना भएर पनि मुस्ताङ जिल्लाको सदरमुकाम जोमसोममा दुई वटा मात्रै निर्जिवन बीमा कम्पनीले शाखा खोलेका छन् । प्रभु इन्स्योरेन्स कम्पनी र शिखर इन्स्योरेन्स कम्पनीले मात्रै मुस्ताङमा शाखा खोलेका छन् । शाखा खोलेको प्रभु इन्स्योरेन्स कम्पनीले हालसम्म एक जना पनि स्याउ किसानको बीमा गराउन सकेको छैन । प्रभु इन्स्योरेन्स कम्पनीको मुस्ताङ शाखाका प्रमुख किरण थकालीले इन्स्योरेन्स खवरसँग भने, ‘भवन, पशु र गाडीको बीमा अलि अलि भइरहेको छ, बाली बीमा अहिलेसम्म भएको छैन ।’ उनले बाली बीमाको लागि किसानसँग कुराकानी भइरहेको भएपनि अहिलेसम्म बीमा नै गरिसकेको अवस्था भने नरहेको उनले बताए ।

बार्षिक ठूलो रकम आम्दानी हुने क्षेत्रका किसानले जोखिमपूर्ण रुपमा स्याउ उत्पादन गर्दा समेत बीमा कम्पनीको उपस्थिति कमजोर हुनुले सम्भावित भर्जिन बजारमा प्रवेश नै गर्न नचाहेको देखिएको छ ।

इन्स्योरेन्स खबरको मोबाइल एप्स सार्वजनिक, यस्ता छन् सुविधा काठमाडौं।‌ इन्स्योरेन्स खबर डटकमले पाठकको सुविधाको लागि मोबाइल एप्स पनि सार्वजनिक गरेको छ। इन्स्योरेन्स‌ खबर एप्स एन्ड्रोइड फोनका लागि  गुगल...

प्रतिक्रिया दिनुहोस्

यो खबर पढेर तपाईंलाई कस्तो महसुस भयो ?

0%

खुसी

0%

दु :खी

0%

अचम्मित

0%

उत्साहित

0%

आक्रोशित

Vianet

सम्बन्धित समाचार

Insurance Khabar Mobile App Android and IOS