काठमाडौं । गुडविल फाइनान्सले २५ करोड रुपैयाँ बराबरको ऋणपत्र बिक्री गर्न धितोपत्र बोर्डमा आवेदन दिएको छ । कम्पनीले प्रतिइकाई १ हजार रुपैयाँको दरमा २ लाख ५० हजार इकाई ऋणपत्र बिक्री गर्न लागेको जनाइएको छ ।
यसमध्ये १ लाख इकाई सर्वसाधारणका लागि खुला हुनेछ । बाँकी १ लाख ५० हजार इकाई संघसंस्थालाई बिक्री गरिनेछ । यस ऋणपत्रमा वार्षिक १२ प्रतिशत ब्याजदर पाइने जनाइएको छ ।
कम्पनीले वर्ष अवधिको गुडविल फाइनान्स डिबेन्चर २०८३’ नाममा ऋणपत्र जारी गर्न लागेको हो । ऋणपत्र निष्काशन तथा बिक्री प्रबन्धकमा एनआइबीएल एस क्यपिटल रहेको छ ।
फाइनान्सले निष्कासन गर्न लागेको ऋणपत्रलाई इक्रा नेपालले मध्यम सुरक्षा जनाउने ‘इक्रा एनपी एलबीबी’ रेटिङ्ग दिएको छ ।
