मुक्तिनाथ विकास बैंकको साधारण सभा मंसिर ३० गते, यस्ता छन् एजेण्डा

Citizen Life Insurance Co

काठमाडौं । मुक्तिनाथ विकास बैंक लिमिटेडको तेह्रौं वार्षिक साधारण सभा मंसिर ३० गते हुने भएको छ । उक्त सभा होटल पोखरा ग्राण्ड, पार्दी, विरौटा, पोखरामा बिहान ११ बजे सभा बोलाएको बैंकले जनाएको छ ।

साधारण सभा प्रयोजनको लागि कम्पनीले मंसिर २३ गतेदेखि ३० गतेसम्म शेयरधनी दर्ता पुस्तिका बन्द गर्ने भएको छ । मंसिर २२ गतेसम्मका कायम शेयरधनीले मात्र सभामा भाग लिन पाउनेछन् ।

उ्रक्त सभामा २०७५/०७६वार्षिक प्रतिवेदनउपर छलफल गरी पारित गर्ने, सोही आ.वको नाफा नोक्सान हिसाब र नगद प्रवाह विवरण पारित गर्ने, लेखा परीक्षकको नियुक्ति र निजको पारिश्रमिक निर्धारण गर्ने, संस्थापक शेयरधनीको तर्फबाट प्रतिनिधित्व गर्ने ३ जना र सर्वसाधारण शेयरधनीको तर्फबाट प्रतिनिधित्व गर्ने २ जना सञ्चालकको निर्वाचन गर्ने लगायतको विषयमा छलफल गर्न एजेण्डा रहेको छ ।

त्यस्तै, उपयुक्त संस्थासँग गाभ्ने गाभिने वा प्राप्ति गर्ने अधिकार सञ्चालक समितिलाई प्रदान गर्ने, बैंकको प्रबन्धपत्र तथा नियमावलीमा संशोधन गर्ने रहेको छ ।

साथै, बैंकले शेयरधनीको लागि १२औं साधारण सभाबाट पारित २० प्रतिशत हकप्रद शेयर वितरणबाट हुन आउने रकम समेत गरी बैंकको जारी तथा चुक्तापूँजीबाट १७ दशमलव ६० प्रतिशत बोनस शेयर र कर प्रयोजनका लागि शून्य दशमलव ९३ प्रतिशत नगद लाभांशको प्रस्ताव पारित गर्ने भएको छ ।

प्रतिक्रिया दिनुहोस्

सम्बन्धित समाचार