काठमाडौं । नेपालबाट मात्रै १५ किमी दुरीमा रहेको बंगलादेशका राष्ट्रपति मोहम्मद अब्दुल हमिद आज काठमाडौं आईपुगेका छन् । राष्ट्रपति विद्यादेवी भण्डारीको निमन्त्रणामा समकक्षी हमिद ४८ सदस्यीय प्रतिनिधि मण्डलको नेतृत्व गर्दै आजै अपरान्ह काठमाडौं आइपुगेका हुन् ।
बंगलादेशको राष्ट्रपति हमिदले उच्चस्तरीय भेटवार्ता, अवलोकन भ्रमण तथा नेपालसँग महत्वपूर्ण समझदारीहरु गर्नेछन् । विशेष विमानमार्फत अपरान्ह १ बजे मा काठमाडौंमा अवतरण गरेका छन् ।
बंगलादेशका राष्ट्रपति हमिदलाई त्रिभुवन विमानस्थलमै गार्ड अफ अनर दिइनेछ । गार्ड अफ अनर दिनका लागि राष्ट्रपति विद्यादेवी भण्डारी लगायतका उच्च पदस्थ व्यक्तिहरु विमानस्थलमै पुग्नेछन् । त्यसलगत्तै ऐतिहासिक सम्पदाले भरिएको भक्तपुर दरबार क्षेत्रको भ्रमणमा गर्ने कार्यतालिका रहेको छ ।
राष्ट्रपति हमिदलाई रिसिभ गर्न परराष्ट्र मन्त्रालयका शिष्टाचार महापालसहितका विशिष्ट पदाधिकारी विमानस्थल पुग्नेछन् । राष्ट्रपति हमिद मंगलबार अपरान्ह ३ बजे भक्तपुर दरबार क्षेत्रको भ्रमण गर्ने भएका छन् । सडक जाम हुने भएकोले हेलिकोप्टरबाट भक्तपुर पुर्याइनेछ । चार दर्जनभन्दा बढीको प्रतिनिधिमण्डल लिएर आउने राष्ट्रपति हमिदले बुधबार राष्ट्रपति भण्डारी, प्रधानमन्त्री केपी शर्मा ओलीसँग शिष्टाचार भेटघाट हुनेछ । त्यस्तै बिहिबार पोखरा र शुक्रबार चन्द्रागिरी केबलकारको अवलोकन भ्रमण गरेर स्वदेश फर्कने कार्यतालिका रहेको छ । उनको भ्रमण अवधीभर काठमाडौंको सुरक्षा व्यवस्था कडा पारिएको छ ।
राष्ट्रपति हमिदकै भ्रमणको अवसर पारेर बंगलादेशसँग विद्युत व्यापार सम्झौताको प्रयास भइरहेको छ । गत आर्थिक वर्षमा बंगलादेशबाट नेपाल पुनर्बीमा कम्पनी पुनर्बीमा शुल्क बापत चार करोड ६९ लाख रुपैयाँ आम्दानी गरेको थियो ।
