काठमाडौँ । एशियन लाइफ इन्स्योरेन्स जावलाखेल शाखाले मृतकको परिवारलाई बीमा वापतको दावी रकम भुक्तानी गरेको छ । कम्पनीले बागडोल ललितपुर निवासी मृतक बीमित अभिषेक बमजनको श्रीमती अन्जु तामाङ्गलाई मृत्यु दावी भुक्तानी गरेको हो ।
कम्पनीले मृतकको परिवारलाई पाँच लाख ६३ हजार रुपैयाँ हस्तान्तरण गरेको जनाएको छ । शाखा कार्यालय जावलाखेलमा शाखाका कर्मचारीहरुको उपस्थितिमा कम्पनीकी शाखा प्रबन्धक कौशिला कडेलले उक्त रकम हस्तान्तरण गरिन् ।
मृतक बीमितले २०१८/०३/१४ मा ५ लाख बीमाङ्कको २० वर्षे अवधिको बीमा गरेका थिए । उनले २ किस्ता गरी जम्मा ५० हजार ९४२ रुपैयाँ बुझाएका कम्पनीले जनाएको छ ।
