काठमाडौँ । राष्ट्रिय बीमा कम्पनीले विभिन्न पदका लागि कर्मचारी माग गरेको छ । कम्पनीले सहायक पददेखि नायव व्यवस्थापक पदका लागि ३४ जना कर्मचारी माग गरेको छ ।
कम्पनीले नायव व्यवस्थापक (तह ७) २ जना, सहायक व्यवस्थापक (तह ६) ९ जना, सूचना प्रविधि अधिकृत (तह ६) १ जना, सूचना प्रविधि सहायक (तह ५) १ जना, स्वास्थ्य सहायक (तह ५) १ जना, सहायक क (तह ५) ३ जना, सहायक ख(तह ५) १४ जना, सहायक ख (तह ४) कृषि प्राविधिक २ जना र सहायक ख(तह ४) पशु प्राविधिक १ जना गरी ३४ जना कर्मचारी माग गरेको हो ।
इच्छुक तथा योग्यता पुगेका आवेदकले कम्पनीको प्रधान कार्यालय, जनशक्ति व्यवस्थापन विभाग रामशाह पथ काठमाडौँमा यो सूचना प्रकाशित भएको मितिले २१ दिन भित्र दरखास्त बुझाउन सक्नेछन् । 
