नेप्से ६ अंकले घट्यो, ३७ करोडमाथिको कारोबार

95

काठमाडौं । आज विहीबार साताको अन्तिम दिन नेप्से ६ अंकले घटेको छ । आज शेयर बजारमा नेप्से परिसूचक ६ दशमलव ०५ अंकले घटेर १,१३१ दशमलव ९७ को विन्दुमा कायम भएको छ । ट्रेडिङ, निर्जीवन बीमा समुह र म्युचल फण्ड बाहेक सबै उपसूचक घटेका छन् । सबैभन्दा धेरै ४० अंकले जीवन बीमा समुह घटेको छ ।

आज १ सय ६३ कम्पनीको १२ लाख ९६ हजार कित्ता शेयर किनबेच हुँदा ३७ करोड ४१ लाख रुपैयाँ बराबरको कारोबार भएको छ । सबैभन्दा धेरै एनएमबी बैंकको ११ करोड २६ लाख रुपैयाँको कारोबार भएको छ ।

त्यस्तै, प्रभु बैंकको ५ करोड ६५ लाख रुपैयाँ बाराबरको कारोबार भएको छ । नेपाल बैंकको २ करोड, नबिल र प्रभु बैंक प्रोमोटर शेयरको १ करोडमाथिको कारोबार भएको छ । कृषि विकास बैंकको ७० लाख रुपैयाँको कारोबार भएको छ ।

सबैभन्दा धेरै साल्ट ट्रेडिङका लगानीकर्ताले ९ दशमलव ९६ प्रतिशतका दरले कमाएका छन् भने सबैभन्दा धेरै रिडी हाइड्रोपावर डेभलपमेन्टका लगानीकर्ताले ५ प्रतिशतका दरले गुमाएका छन् ।

यसमा तपाइको मत

कृपया आफ्नो प्रतिक्रिया दिनु होला ।
कृपया आफ्नो नाम यहाँ लेख्नु होस्