काठमाडौं । सिद्धार्थ बैंकको २५ दशमलव २६ प्रतिशत लाभांश पारित भएको छ । बिहीबार सम्पन्न बैंकको १८औं वार्षिक साधारणसभाले सञ्चालक समितिको उक्त प्रस्तावलाई पारित गरेको हो ।
सभाले पारित गरे बमोजिम सेयरधनीले गत वर्षको नाफाबाट चुक्ता पुँजीको १० प्रतिशत बोनस र १५।२३ प्रतिशत नगद गरी सो मात्राको लाभांश पाउने छन् । आठ अर्ब ८८ करोड रुपैयाँ रहेको बैंकको चुक्ता पूँजी १० प्रतिशत बोनस सेयरपछि ९ अर्ब ७७ करोड रुपैयाँ पुगेको छ ।
सभामा उपयुक्त बैंक तथा वित्तीय संस्थालाई गाभ्ने तथा अन्य कुनै संस्थालाई मर्ज गर्ने विशेष प्रस्ताव पनि पारित गरेको छ । त्यस्तै, सभाले आर्थिक वर्ष २०७६/७७ को लागि बाह्य लेखापरिक्षक नियुक्त गरी नीजको पारिश्रमिक तोक्ने सञ्चालक समितिको प्रस्तावलाई पारित गरेको छ ।
