काठमाडौं । एनएमबि लघुवित्त वित्तीय संस्थाको १५० प्रतिशत हकप्रद सेयर सुरक्षित गर्ने बुधबार अन्तिम दिन रहेको छ । कम्पनीले हकप्रद सेयर बिक्री गर्न बिहीबार (कात्तिक ७ गते) बुक क्लोज गर्ने भएकाले बुधबारसम्म कायम सेयरधनीले मात्र हकप्रद भर्न सक्नेछन् ।
यस लघुवित्तले कात्तिक २४ गतेदेखि १ः१.५ अनुपातमा २४ लाख ३० हजार ९३.७५ कित्ता हकप्रद सेयर निष्कासन गर्न लागेको हो । हकप्रदमा बिक्री प्रबन्धकको काम सनराइज क्यापिटलले गरेको छ ।
सनराइज क्यापिटल कमलपोखरी, काठमाडौं र सनराइज बैंकका सम्पूर्ण शाखाबाट आवेदन दिन सकिने कम्पनीले जनाएको छ । यस्तै सी–आस्वा सदस्यता लिएका बैंक तथा वित्तीय संस्थाहरुबाट पनि हकप्रद भर्न पाइनेछ ।
रेटिङ एजेन्सी इक्रा नेपालले यस हकप्रदलाई औसत भन्दा कम आधार जनाउने ग्रेड ४ प्रदान गरेको छ । हाल यसको चुक्ता पुँजी १६ करोड २० लाख ६ हजार रुपैयाँ रहेको छ ।
