काठमाडौं । आज साताको दोस्रो दिन शेयर बजार दोहोरो अंकले घटेको छ । नेप्से १२ दशमलव ०५ अंकले घटेर १,१३६ दशमलव ९६ को विन्दुमा कायम भएको छ । आज म्युचल फण्ड बाहेक सबै उपसूचक घटेका छन् । सबैभन्दा धेरै ५३ अंकले होटल समुह घटेको छ ।
आज दिनभरिमा १ सय ५४ कम्पनीको ८ लाख ३३ हजाचर सात सय ५३ कित्ता शेयर किनबेच हुँदा २१ करोड ८६ लाख ३५ हजार रुपैयाँको कारोबार भएको छ ।
सबैभन्दा धेरै प्रभु बैंक र सिदार्थ बैंकको २ करोडमाथिको कारोबार भएको छ । नबिल बैंक, मेगा बैंक प्रोमोटर शेयरको १ करोड १५ लाखमाथिको कारोबार भएको छ । त्यस्तै, नेपाल लाइफ इन्स्योरेन्सको ८८ लाखमाथिको कारोबार भएको छ ।
सबैभन्दा धेरै राद्यी विद्युत कम्पनीका लगानीकर्ताले ५ प्रतिशतका दरले कमाएका छन् भने सिनर्जी पावरका लगानीकर्ताले ६ प्रतिशतका दरले गुमाएका छन् ।
