चिनियाँ राष्ट्रपति सी तालिकाभन्दा अगाडि नै काठमाडौंमा अवतरण गर्ने

941

काठमाडौं । आजदेखि दुई दिने नेपाल भ्रमणको क्रममा रहेका चिनियाँ राष्ट्रपति सी जिनपिङ निर्धारित समयभन्दा अगावै काठमाडौंमा आवतरण गर्ने भएका छन् ।

भ्रमण तालिकामा अपरान्ह ४ः३० बजेदेखि ५ः३० बजेभित्र काठमाडौंस्थित अन्तर्राष्ट्रिय विमानस्थलमा अवतरण गर्ने भनिएपनि सी सवार जहाज स्थानीय समय अनुसार अपरान्ह १ः४८ बजे नै भारतको चेन्नेईस्थित विमानस्थलबाट उडेकाले अपरान्ह चार बजे आसपासमा काठमाडौंमा अवतरण गर्ने अनुमान गरिएको छ । बोईङ कम्पनीद्वारा निर्मित बोईङ ७४७–८९ एल सेरिजको जहाज ३५ हजार फिटमाथिको उचाई कायम गर्दै साढे नौ सय किमी प्रतिघण्टाको गतिमा रहेका कारण दुई घण्टा हाराहारीमा काठमाडौंमा अवतरण गर्ने अनुमान गरिएको छ ।

निर्धारित समय भन्दा अगावै काठमाडौंस्थित विमानस्थलमा अवतरण गरेपनि अन्य तालिकामा भने परिवर्तन हुनेछैन । विमानस्थलमै नेपाली सेनाले सलामी अर्पण गर्ने भएकोले केही समय एयरपोर्टमै बित्नेछ ।

यसमा तपाइको मत

कृपया आफ्नो प्रतिक्रिया दिनु होला ।
कृपया आफ्नो नाम यहाँ लेख्नु होस्