काठमाडौं । महालक्ष्मी विकास बैंकले आर्थिक वर्ष २०७५।७६ को मुनाफाबाट शेयरधनीहरुलाई करिब १८ प्रतिशत लाभांश वितरण गर्ने प्रस्ताव गरेको छ ।
यही असोज १६ गते बसेको बैंकको सञ्चालक समितिको बैंठकले शेयरधनीहरुलाई चुक्ता पुँजीको ८ प्रतिशतले हुन आउने २२ करोड ७५ लाख रुपैयाँ बराबरको बोनस शेयर र करसहित ९.८९ प्रतिशतले हुन आउने २८ करोड १४ लाख रुपैयाँ बराबरको नगद लाभांश गरी कुल १७.८९ प्रतिशतले हुन आउने ५० करोड ९० लाख रुपैयाँ बराबरको लाभांश वितरण गर्ने प्रस्ताव गरेको छ ।
महालक्ष्मी विकास बैंकले गत आवको सञ्चालन मुनाफाबाट सो बोनस वितरण गर्न प्रस्ताव गरेको हो । प्रस्तावित लाभांश राष्ट्र बैंकको स्वीकृति र बैंकको आगामी साधारणसभाले अनुमोदन गरेपश्चात मात्रै शेयरधनीले पाउनेछन् ।
