काठमाडौं । प्रतिनिधि सभाका सभामुख कृष्ण बहादुर महरासँग नाम जोडिएकी रोशनी शाहीले श्रीमानसँग सम्बन्ध बिच्छेद गर्ने सहमति गरेकी छिन् । २०४८ सालमा विवाह बन्धनमा बाँधिएकी रोशनी शाहीले श्रीमान चित्र जंग शाहीसँग सम्बन्ध बिच्छेद गर्दै हिजो नेपाली कागजमा हस्ताक्षर गरेकी छिन् ।
रोशनी र चित्रजंग दुवैले २८ बर्ष लामो वैवाहिक जीवनबाट अलगत हुने सहमति गर्दै कागजमा सही गरेका छन् । उनीहरुले छिट्टै कानुनी उपचार सुरु गर्ने सहमति गरेका छन् । पोखरामा रहेका उनका श्रीमान काठमाडौं आएपछि सहमति गरेका हुन् ।
दुवै जनाले हस्ताक्षर गरेको कागज चित्रजंग शाहीले सामाजिक सञ्जाल फेसबुकमार्फत सार्वजनिक गरेका छन् । सम्भतः उनीहरुले आज वा भोलि नै काठमाडौं जिल्ला अदालतमा सम्बन्ध बिच्छेद मुद्दा दर्ता गर्दैछन् । रोशनीले श्रीमानसँग सम्बन्ध बिच्छेद गरेपछि निवर्तमान सभामुख कृष्ण बहादुर महरामाथि थप दवाव बढ्ने देखिएको छ । दुवै बीचको सहमति पत्रमा खुशीसाथ अलग बस्ने कानुनी प्रक्रिया सुरु गर्ने जनाएका छन् ।
गत आइतबार काठमाडौंको तीनकुनेस्थित रोशनीको कोठामा सभामुख कृष्ण बहादुर महरा गएको र त्यहाँ दुव्र्यवहार भएको भन्दै रोशनीले प्रहरी तथा सञ्चार माध्यमहरुमा मौखिक रुपमा उजुरी गरेकी थिईन । त्यसलगत्तै भोलिपल्ट सञ्चार माध्यममा रोशनीले दुव्र्यवहार बारे भिडियोसहित प्रशारण भएको थियो । रोशनी संसद सचिवालयमै कार्यरत स्टार्फ नर्स हुन् । सभामुख कृष्ण बहादुर महराले अभियोगसँगै पदबाट राजिनामा दिइसकेका छन् ।
