काठमाडौं । शिवम सिमेन्टले कात्तिक ८ गते चौथो वार्षिक साधारण सभा गर्ने भएको छ । कम्पनीले सोही साधारण सभासाधारणसभाबाट ५ जना संस्थापक संञ्चालकहरुको निर्वाचन गर्ने भएको छ ।
कम्पनीको सोमबार बसेको संचालक समितिको बैठकले गत आर्थिक वर्षको नाफाबाट लाभांस सहित साधारणसभा आव्हान गरेको हो । उक्त सभाले १५ दशमलव ७८ प्रतिशत नगद लाभांस प्रस्ताव पारित गर्ने एजेण्डा छ ।
साधारणसभा प्रयोजनको लागि कम्पनीले असोज २९ गते एक दिन बुक क्लोज गर्ने भएको छ । यद्यपी असोज २८ गतेसम्म कायम शेयरधनीहरुले मात्र साधारणसभामा भाग लिन र नगद लाभांस पाउने छन् ।
त्यस्तै, सभामा परियोजनाका लागि आवश्यक ऋण चुक्ता पूँजीभन्दा बढि लिनु पर्ने अवस्थामा त्यसको निर्णय गर्ने पूर्ण अधिकार संचालक समितिलाई दिने प्रस्ताव साधारणसभामा पेश गरिने भएको छ ।
संस्थापक शेयरधनीहरुले सञ्चालकमा उमेद्वारी दिन चाहेमा साधारणसभा हुनु भन्दा ७ दिन अगावै उमेदवारी दर्ता गर्नु पर्ने छ समेत कम्पनीले जनाएको छ ।
