काठमाडौँ । एनएलजी इन्स्योरेन्स कम्पनी लिमिटेडको १३ औँ वार्षिक साधारण सभा सम्पन्न भएको छ । कम्पनीले उक्त साधारण सभा बुधबार सम्पन्न गरेको हो । सधारणसभामा कम्पनीले जारी गर्नै लागेको ६० प्रतिशत हकप्रद शेयरबारे जानकारी गराएको छ ।
सभाले कम्पनीको संचालक समितिको वार्षिक प्रतिवेदन, आर्थिक वर्ष २०७४/७५ को वार्षिक प्रतिवेदन लगायतका विषयहरु पारित गरेको छ । कम्पनीले एनएफआरएसका कारणले गर्दा यस वर्ष लगानीकर्ताहरुलाई लाभांश दिन नसकेको जानकारी गराएको छ ।
सधारण सभालाई सम्बोधन गर्दै अध्यक्ष बिमल प्रसाद वाग्लेले कम्पनीले प्रगति गर्दै गएको र आगामी दिनमा पनि “सबैको सुरक्षा, एनएलजीको ईच्छा” भन्ने नाराका साथ निर्जिवन बीमा सेवा अझै प्रभावकारी बनाउने बताए ।
उक्त कार्यक्रममा २०७३ सालको एसईईमा कर्णाली अञ्चलबाट सामुदायीक विद्यालय मध्य सर्वोत्कृष्ट अंक ल्याई उत्तीर्ण हुनु भएकी छात्रा समृद्धि बोहरालाई नगद पुरस्कार सहित सम्मान गरिएको कम्पनीले जनाएको छ । त्यस्तै यस वर्षको एनएलजी उत्कृष्ट कर्मचारी पुरस्कारबाट जनार्जन खनाल र सबेरा कार्की पुरस्कृत भएका छन् । कार्यक्रममा अध्यक्ष बिमल प्रसाद वाग्लेले सम्मान गरेका हुन् ।
कम्पनीले बीमा समितिको निर्देशन अनुरुप कम्पनीले एक अर्ब चुक्ता पुँजी पुर्याउनका लागि ६० प्रतिशत हकप्रद शेयर जारी गर्ने छ । कम्पनीले हकप्रद शेयर जारी गर्नका लागि धितोपत्र बोर्डमा विवरण दर्ता गरिसकेको छ ।
