काठमाडौं । अबको दुई बर्षमा उत्कृष्ट कम्पनीको स्थानमा पुग्ने नेपाल इन्स्योरेन्स कम्पनीका प्रमुख कार्यकारी अधिकृत विजय बहादुर शाहले बताए । नेपाल इन्स्योरेन्स कम्पनीको ७२ औँ बार्षिकउत्सव अवसरमा वुधबार आयोजित कार्यक्रम बोल्दै, उनले नेपाल इन्स्योरेन्स उत्कृष्टताको यात्रामा अघि बढीसकेको जानकारी दिए ।
बार्षिकउत्सव समारोहमा बोल्दै कम्पनीका अध्यक्ष अर्जुन पौडेल शर्माले हामी जेष्ठ कम्पनीलाई सर्वश्रेष्ठ बनाउने अभियान लागेको यसमा कम्पनीमा आवद्ध सबैजनाको हातोमालो जरुरी रहेको बताए । कर्मचारीको “कम्पनीको व्यवस्थापक , कर्मचारीहरु बिच सहकार्य हुन सक्यो भने कम्पनीको प्रगति हुनसक्छ,” उनले भने ।
कम्पनीका डिसिईओ विक्रान्त पाण्डेले कार्यक्रममा बोल्दै, ज्येष्ठताका साथ–साथै व्यवसायका रुपमा पनि श्रेष्ठ कम्पनीका रुपमा स्थापित गर्ने संकल्प कम्पनीले लिएको बताए ।
उक्त अवसरमा कम्पनीले उत्कृष्ट कर्मचारीलाई पुरुस्कृत समेत गरेको छ । समारोहमा कम्पनीमा २५ वर्ष देखि कार्यरत हेर बहादुर महर्जनलाई दिर्घ सेवा पदक प्रदान गरिएको थियो । त्यस्तै २० वर्षको सेवा अवधि पूरा गरेका कर्मचारीहरु सावित्रि श्रेष्ठ र दिपक भुजेल पुरस्कृत भएका थिए ।
त्यस्तै उत्कृष्ट शाखा प्रमुखहरुमा धनगढीबाट सागर बम, होटौडाबाट सन्त बहादुर गुरुङ र थानकोट संतुगलबाट अस्मिता श्रेष्ठ र काठमाडौं मुख्य कार्यलयबाटमा कमला कुवंर सम्मानित भएका छन् ।
