कपिलवस्तु । लाइफ इन्स्योरेन्स कर्पोरेसन (नेपाल) लिमिटेडले कपिलवस्तुको चन्द्रौटा कृष्ण नगर रोडमा नयाँ शाखा सञ्चालनमा ल्याएको छ ।
कम्पनीका प्रमुख कार्यकारी अधिकृत लक्ष्मी प्रसाद दास तथा नायव प्रमुख कार्यकारी अधिकृत टि.वर्नवाल साथै प्रदेश रिजनल म्यानेजर पदम रानाले संयुक्त रुपमा सो कार्यालयको उद्घाटन गरेका हुन् ।
कार्यक्रममा बोल्दै कम्पनीका प्रमुख लक्ष्मी प्रसाद दासले जीवन बीमा कम्पनीहरुमा अलग्गै पहिचान बनाउन सफल भएको एलआइसीले जनतामा प्रिमियर रिटर्नमा विश्वास कायम गरेको जनाए ।
यसै गरि नायब प्रमुख कार्यकारी अधिकृत टि .वर्नवालले एलआइसि नेपालका सम्पुर्ण शाखाबाट अत्यन्तै सहज ढंगले छिटो छरितो हिसाबले गुणस्तरीय सेवा प्रदान गर्ने प्रतिवद्धता व्यक्त गरे ।
कार्यक्रममा तौलिहवा दाङ शाखा कार्यलयका प्रमुख लागायत एजेन्सी म्यानेजर तथा अभिकर्ताहरुको उपस्तिथि रहेको थियो ।
