काठमाडौं । सानिमा बैंकले २१.०५३ प्रतिशत लाभांश प्रस्ताव पारित गर्न असोज २९ गते वार्षिक साधारण सभा बोलाएको छ । बैंकले ११.०५२३ प्रतिशत नगद र १० प्रतिशत बोनस सेयर गरी कुल २१.०५२३ प्रतिशत लाभांश दिन लागेको हो ।
बैंकले साधारण सभाबाट अनुमोदन भएपछि पश्चात् बैंकले ८० करोड १ लाख २५ हजार ५४४ रुपैयाँ बराबरको बोनस वितरण गर्नेछ । बैंकले बोनसमा लाग्ने करसहित ८८ करोड ४३ लाख ४६ हजार ७५८ रुपैयाँ नगद लाभांश बाँड्नेछ ।
सभामा सञ्चालक समितिको तर्फबाट अध्यक्षले पेश गर्न २०७५।७६ को वार्षिक प्रतिवेदन तथा नाफा नोक्सानको हिसाबकिताब प्रतिवेदन छलफल गरी पारित गर्ने एजेन्डा रहेको छ । त्यस्तै सभामा कुनै उपयुक्त बैंक वा वित्तीय संस्थामा मर्जर वा एक्विजिसनमा जानु परेमा आवश्यक सम्झौता गर्न सञ्चालक समितिलाई अख्तियारी प्रदान गर्ने प्रस्ताव पनि पेश हुनेछ । सभा प्रयोजनका लागि असोज १३ गते बुक क्लोज गर्ने भएको छ ।
हाल बैंकको चुक्ता पुँजी ८ अर्ब १२ लाख ५५ हजार ४४० रुपैयाँ रहेको छ । बोनस वितरण पश्चात भने बैंकको चुक्ता पुँजी ८ अर्ब ८० करोड १३ लाख ८० हजार ९८४ रुपैयाँ पुग्नेछ ।
